सुनचाँदीको भाउ लगातार घट्यो, सुन तोलाको २ लाख ८७ हजार १०० रुपैयाँ

काठमाडौं । नेपाली बजारमा सुनचाँदीको मूल्य लगातार चौथो कारोबार दिन पनि घटेको छ।

नेपाल सुनचाँदी व्यवसायी महासङ्घका अनुसार बुधबार छापावाल सुनको मूल्य प्रतितोला ९०० रुपैयाँले घटेर २ लाख ८७ हजार १०० रुपैयाँ कायम भएको छ। अघिल्लो कारोबार दिन सुन प्रतितोला २ लाख ८८ हजार रुपैयाँमा कारोबार भएको थियो।

यसैगरी, चाँदीको मूल्य पनि प्रतितोला ५५ रुपैयाँले घटेर ४ हजार ५०० रुपैयाँमा कारोबार भइरहेको महासङ्घले जनाएको छ।

आइतबारदेखि लगातार ओरालो लागेको सुनको मूल्य आइतबार ४०० रुपैयाँ, सोमबार ९०० रुपैयाँ, मंगलबार १ हजार ४०० रुपैयाँ र बुधबार थप ९०० रुपैयाँले घटेको हो। त्यस्तै, चाँदीको मूल्य पनि चारै कारोबार दिन लगातार घट्दै आएको छ।

Facebook Comments Box