सर्लाहीमा कुखुरा फार्मबाट ३३० किलो गाँजा बरामद, एक जना पक्राउ

सर्लाही । सर्लाहीको बलरा नगरपालिकास्थित एक कुखुरा फार्मबाट प्रहरीले ३३० किलोग्राम लागूऔषध गाँजा बरामद गरेको छ। घटनामा संलग्न रहेको आरोपमा एक जनालाई पक्राउ गरिएको प्रहरीले जनाएको छ।

प्रहरीका अनुसार शनिबार दिउँसो बलरा नगरपालिका–७, डुमरियास्थित भोला सिंहको कुखुरा फार्ममा पिकअप गाडीबाट गाँजा अनलोड भइरहेको भन्ने गोप्य सूचनाका आधारमा प्रहरी चौकी मधुवनीगाउँ र इलाका प्रहरी कार्यालय गडहियाको संयुक्त टोलीले छापा मारेको थियो।

छापामार कारबाहीका क्रममा फार्मबाट ३३० किलोग्राम गाँजा बरामद गरिएको प्रहरीले जनाएको छ। पक्राउ परेका व्यक्तिमाथि लागूऔषध सम्बन्धी कसुरमा थप अनुसन्धान भइरहेको छ।

Facebook Comments Box
TOP
145 Shares