मानव बेचबिखन र जबरजस्ती करणीको कसूरमा फरार प्रतिवादी कतारबाट पक्राउ

काठमाडौं — मानव बेचबिखन तथा ओसारपसार र जबरजस्ती करणीसम्बन्धी कसूरमा फरार रहेका धनुषाका एक प्रतिवादीलाई कतारबाट पक्राउ गरी नेपाल ल्याइएको छ।

धनुषाको धनौजी गाउँपालिका–५ निवासी मो. ताहिर राईन वारदातपछि फरार रहेको भन्दै प्रहरीले उनको अन्तर्राष्ट्रिय खोजतलास तथा पक्राउका लागि इन्टरपोलमार्फत रेड नोटिस जारी गराएको थियो।

नेपाल प्रहरी प्रधान कार्यालयअन्तर्गत अपराध अनुसन्धान विभागको इन्टरपोल शाखाको अनुरोधमा इन्टरपोल महासचिवालयले सन् २०२६ जुलाई २८ मा राईनविरुद्ध रेड नोटिस जारी गरेको थियो।

रेड नोटिस जारी भएपछि इन्टरपोल शाखा र एनसीबी दोहा, कतारबीचको समन्वयमा राईनलाई कतारमा पक्राउ गरिएको हो।

पक्राउ परेका राईनलाई कतार एयरवेजको उडानमार्फत सोमबार बिहान त्रिभुवन अन्तर्राष्ट्रिय विमानस्थल ल्याइएको प्रहरीले जनाएको छ।

विमानस्थलमा इन्टरपोल शाखा (एनसीबी काठमाडौं) बाट खटिएको प्रहरी टोलीले उनलाई नियन्त्रणमा लिई आवश्यक कानुनी कारबाहीका लागि जिल्ला प्रहरी कार्यालय धनुषा पठाएको छ।

Facebook Comments Box