
सँगै मदिरा सेवन गरेका साथीले पेट्रोल छर्केर आगो लगाउँदा घाइते चौधरीको मृत्यु

दाङ । सँगै बसेर मदिरा सेवन गरेका साथीले पेट्रोल छर्केर आगो लगाउँदा गम्भीर घाइते भएका दाङका एक पुरुषको उपचारका क्रममा मृत्यु भएको छ ।
मृत्यु हुनेमा राजपुर गाउँपालिका–२ निवासी ४९ वर्षीय रुपलाल चौधरी रहेका छन् । शरीरको ८० प्रतिशतभन्दा बढी भाग जलेर गम्भीर घाइते भएका चौधरीको आइतबार बिहान ६ बजे नेपालगञ्जस्थित भेरी अस्पतालमा उपचारका क्रममा मृत्यु भएको हो ।
दाङ प्रहरीले दिएको जानकारीअनुसार शनिबार दिउँसो करिब २ः२० बजे राजपुर गाउँपालिका–२ खालगैरामा सोही ठाउँका ३८ वर्षीय त्रिलोक सिंह कार्कीले आफ्नै मोटरसाइकलबाट पेट्रोल निकालेर चौधरीको शरीरमा छर्की आगो लगाएका थिए ।
प्रहरीका अनुसार दुवै जनाले सँगै बसेर मदिरा सेवन गरेका थिए । सोही क्रममा विवाद भएपछि आवेगमा आएर कार्कीले चौधरीमाथि पेट्रोल छर्केर आगो लगाएको बयान दिएका छन् । यद्यपि विवादको वास्तविक कारण भने खुल्न सकेको छैन ।
आगोले गम्भीर घाइते भएका चौधरीलाई तत्काल उपचारका लागि लमही अस्पताल लगिएको थियो । त्यहाँ उपचार सम्भव नभएपछि थप उपचारका लागि नेपालगञ्जस्थित भेरी अस्पताल पठाइएको थियो ।
घटनापछि फरार भएका कार्कीलाई प्रहरीले खोजतलास गर्ने क्रममा लमही नगरपालिका–५ रातोडाँडाबाट नियन्त्रणमा लिएको छ ।
घटनाबारे थप अनुसन्धान भइरहेको प्रहरीले जनाएको छ ।
जनरक्षा फोकस
थप सामाग्रीसमाज
थप सामाग्री-
जनकपुरधाम–अयोध्याबीच साप्ताहिक रेल सेवा सञ्चालन हुने, ६०४ किलोमिटरको दूरी रेलबाट जोडिँदै
-
इनमको मोबाइल कुमार बेनको हातमा कसरी पुग्यो ? प्रधानमन्त्रीको सचिवालयमाथि गम्भीर प्रश्न, अनुसन्धानमाथि नै आशंका !
-
छठ पर्वको मुख्य दिन आज, अस्ताउँदो सूर्यलाई अर्घ्य दिइँदै
-
आज कार्तिक २९ गते आइतबार, यस्तो छ तपाईंको राशिफल
-
आज कार्तिक २८ गते शनिबार, यस्तो छ तपाईंको राशिफल
मिथिलामा छठको उल्लास, आज श्रद्धा र भक्तिपूर्वक खरना विधि गरिँदै
१ दिन अगाडि
1.5kViews 30 Shares Share on Facebook Share on Twitter महोत्तरी । मधेसको प्राचीन मिथिला क्षेत्रमा लोकआस्थाको महापर्व छठको उल्लास छाएको…





