त्रिभुवन विमानस्थलमा युवाको बाढी : सरकारका आश्वासन कहाँ हराए, किन देश छोड्न बाध्य छन् लाखौं युवा ?

काठमाडौं । त्रिभुवन अन्तर्राष्ट्रिय विमानस्थल यतिबेला केवल यात्रुहरूको चहलपहलले भरिएको स्थान मात्र होइन, यो देशको वर्तमान राजनीतिक नेतृत्वको असफलता, बेरोजगारीको भयावह अवस्था र युवाप्रतिको राज्यको उदासीनताको जीवन्त प्रतीक बनेको छ। विमानस्थलका प्रस्थान कक्षमा देखिने युवाहरूको भीडले एउटा गम्भीर प्रश्न उठाएको छ—आखिर किन आफ्नै देशमा भविष्य नदेखेर नेपाली युवा विदेशिन बाध्य भइरहेका छन् ?
निधारमा रातो टीका, आँखामा सपना र मनभरि परिवार तथा देशप्रतिको माया बोकेर हजारौं युवा दैनिक रूपमा खाडी मुलुक र अन्य देशतर्फ उडिरहेका छन्। सामाजिक सञ्जालमा सार्वजनिक भएको त्रिभुवन अन्तर्राष्ट्रिय विमानस्थलको पछिल्लो दृश्यले नेपाली युवाको पीडा, निराशा र बाध्यतालाई झन् स्पष्ट पारेको छ। विमानस्थलमा अहिले यति धेरै भीड हुने गरेको छ कि बिदाइ गर्न आएका आफन्तहरू एकअर्कालाई भेट्टाउनसमेत मुस्किल पर्ने अवस्था सिर्जना भएको छ।
तथ्यांकले पनि यो भयावह यथार्थलाई पुष्टि गर्छ। चालु आर्थिक वर्ष २०८२/८३ को पहिलो पाँच महिनामै ३ लाख ३९ हजार ५ सय १५ नेपाली युवाले वैदेशिक रोजगारीका लागि श्रम स्वीकृति लिएका छन्। हरेक वर्ष लाखौं युवा देश छोडिरहेका छन् भने पछिल्ला वर्षहरूमा वर्षेनी १,२०० देखि १,५०० भन्दा बढी नेपालीको शव विदेशबाट स्वदेश फर्किने गरेको छ। पछिल्लो १५ वर्षमा मात्रै वैदेशिक रोजगारीका क्रममा १३ हजारभन्दा बढी नेपालीले ज्यान गुमाइसकेका छन्।
यही पृष्ठभूमिमा अहिले सरकारमाथि गम्भीर प्रश्न उठ्न थालेको छ। निर्वाचनअघि युवालाई स्वदेशमै अवसर सिर्जना गर्ने, विदेशिएका युवालाई फर्काउने र लाखौं रोजगारी सिर्जना गर्ने आश्वासन दिने राजनीतिक नेतृत्व सत्तामा पुगेपछि आफ्नै प्रतिबद्धताबाट टाढिएको आरोप लागिरहेको छ।
विशेषगरी राष्ट्रिय स्वतन्त्र पार्टीका सभापति रवि लामिछानेले निर्वाचनअघि पटक–पटक “विदेशिएका युवालाई फर्काउने क्षमता हामीसँग छ”, “१२ लाख नयाँ रोजगारी सिर्जना गर्छौं” र “देश युवाले हाँक्नेछ” भन्ने प्रतिबद्धता सार्वजनिक गरेका थिए। विदेशबाट फर्कन चाहने युवाका लागि रोजगारीका अवसर सिर्जना गर्ने वाचा पनि गरिएको थियो। तर, सत्ता सञ्चालनको जिम्मेवारीमा पुगेपछि ती प्रतिबद्धताहरू व्यवहारमा रूपान्तरण हुन नसकेको भन्दै व्यापक आलोचना भइरहेको छ।
विश्लेषकहरूका अनुसार त्रिभुवन विमानस्थलमा देखिएको भीड केवल वैदेशिक रोजगारीमा जाने युवाहरूको संख्या होइन, यो राज्यप्रतिको युवाको घट्दो विश्वासको संकेत पनि हो। देशभित्र रोजगारी, उद्यमशीलता र सम्मानजनक जीवनको वातावरण निर्माण गर्न असफल हुँदा लाखौं युवाले आफ्नो भविष्य विदेशी भूमिमा खोज्न बाध्य भएका छन्।
एकातिर राजनीतिक नेतृत्वले समृद्धि र रोजगारीका सपना बाँड्ने, अर्कोतर्फ विमानस्थलमा दिनहुँ हजारौं युवालाई बिदाइ गर्ने दृश्यले सरकारका प्रतिबद्धता र वास्तविकताबीचको गहिरो खाडल उजागर गरेको छ। यदि यही अवस्था कायम रहने हो भने, त्रिभुवन अन्तर्राष्ट्रिय विमानस्थल अब नेपालको विकासको प्रवेशद्वार होइन, बरु युवाको पलायन र राज्यको असफलताको प्रतीकका रूपमा इतिहासमा दर्ज हुने खतरा बढ्दै गएको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  काडाघारीबाट ३३ वर्षीया महिला सम्पर्कविहीन, खोजीमा सहयोग गर्न परिवारको आग्रह

• 

  त्रिभुवन विमानस्थलमा युवाको बाढी : सरकारका आश्वासन कहाँ हराए, किन देश छोड्न बाध्य छन् लाखौं युवा ?

• 

  निमित्त आईजीपी राजन अधिकारीद्वारा देशभरका प्रहरी कर्मचारीलाई विशेष निर्देशन

• 

  आज असार २२ गते सोमबार,यस्तो छ तपाईको राशिफल

• 

  आईजीपी दानबहादुर कार्की र सशस्त्र आईजीपी नारायणदत्त पौडेल ‘चिफ अफ पुलिस समिट’का लागि अमेरिका प्रस्थान गर्दै

अख्तियार अनुसन्धान टोलीमा ‘क्लिन स्वीप’ : डीआईजीदेखि इन्स्पेक्टरसम्म एकैपटक फिर्ता, अनुसन्धान संयन्त्र पुनर्गठन

१ दिन अगाडि

1.7kViews 468 Shares Share on Facebook Share on Twitter काठमाडौं । भ्रष्टाचार अनुसन्धानको संवेदनशील सूचनाहरू चुहिएको आशंकापछि अख्तियार दुरुपयोग अनुसन्धान…

प्रेस स्वतन्त्रतामाथि हस्तक्षेप गर्ने सरकारको कुनै मनसाय छैन : सञ्चारमन्त्री तिमिल्सिना

१ दिन अगाडि

चितवनमा हात्तीको आक्रमणमा आमा–छोराको मृत्यु, घरमा आगलागी

१ दिन अगाडि

नागरिकको आँखाबाट सरकारको सय दिन: आशाभन्दा अविश्वास, परिवर्तनभन्दा निराशा

१ दिन अगाडि