डिआईजी ओम अधिकारीको प्रमुख आतिथ्यतामा प्रदेश प्रहरी कार्यालय परिसरमा वृक्षरोपण

जनकपुरधाम । मधेश प्रदेश प्रहरी प्रमुख प्रहरी नायव महानिरीक्षक (डिआईजी) ओम प्रसाद अधिकारीको प्रमुख आतिथ्यतामा प्रदेश प्रहरी कार्यालय, जनकपुरधाम, धनुषाको परिसरमा वृक्षरोपण कार्यक्रम सम्पन्न गरिएको छ।
“रुख रोपौं, वातावरण जोगाऔं” भन्ने सन्देशलाई आत्मसात गर्दै आयोजित कार्यक्रममा विभिन्न प्रजातिका बिरुवा रोपिएको थियो। वातावरण संरक्षण, हरियाली प्रवर्द्धन तथा स्वच्छ वातावरण निर्माणमा योगदान पुर्‍याउने उद्देश्यले कार्यक्रम आयोजना गरिएको प्रदेश प्रहरी कार्यालयले जनाएको छ।
कार्यक्रममा वरिष्ठ प्रहरी उपरीक्षक (एसएसपी) प्रभु प्रसाद ढकाल, प्रहरी उपरीक्षक (एसपी) ई. ईश्वर थापा, प्रहरी उपरीक्षक (एसपी) भेषराज रिजाललगायत वरिष्ठ तथा कनिष्ठ प्रहरी अधिकृत, प्रहरी हवल्दार र जवानहरूको उल्लेखनीय सहभागिता रहेको थियो।
कार्यक्रमका क्रममा डिआईजी अधिकारीले वातावरण संरक्षण प्रत्येक नागरिकको साझा दायित्व भएको उल्लेख गर्दै वृक्षरोपणलाई अभियानकै रूपमा अघि बढाउनुपर्नेमा जोड दिएका थिए। सहभागीहरूले रोपिएका बिरुवाको संरक्षण र नियमित हेरचाह गर्ने प्रतिबद्धतासमेत व्यक्त गरेका थिए।

Facebook Comments Box