टोखाको मिठो झोल म.म.मा कपाल भेटिँदा २० हजार जरिवाना,पुनः गल्ती गरे कडा कारबाही गर्ने चेतावनी

काठमाडौं। टोखा रोड ग्रिनल्याडमा सञ्चालित (मिठो झोल) म.म. मा कपाल भेटिएपछि कारबाहीमा परेको छ। जिल्ला प्रशासन कार्यालय काठमाडौं, वाणिज्य आपूर्ति तथा उपभोक्ता संरक्षण विभाग र खाद्य प्रविधि तथा गुण नियन्त्रण विभागको संयुक्त टोलीले म.म.मा कपाल भेटिएको समाचार र भिडियो तथ्यसहित सार्वजनिक भएपछि अनुगमन गरेर कारबाही गरेको हो। उक्त पसललाइ २० हजार जरिवाना गरिएको प्रमुख जिल्ला अधिकारी (सीडीओ) इश्वरराज पौडेलले जानकारी दिनुभयो।

उहाँका अनुसार पसलले यस प्रकारको त्रुटि पहिलोपटक गरेको हुँदा हाललाई जरिवानासहित सचेत गराई चेतावनी दिइएको जनाउनुभयो। अनुगमन टोलीले पसल सञ्चालकलाई खाना तयार गर्दा अपनाउनुपर्ने स्वच्छता मापदण्ड तथा खाद्य वस्तु ढाकछोप गर्नेलगायतका विषयमा कडा निर्देशन दिएको छ।

सीडीओ पौडेलले भन्नुभयो,उपभोक्ताको स्वास्थ्यसँग सिधा सरोकार राख्ने यस्ता विषयमा कुनै पनि व्यवसायीले लापरबाही गर्न मिल्दैन। यसपटक सो म.म. पसलको त्रुटि पहिलो पटक भएकाले चेतावनीसहित जरिवाना गरिएको हो, तर आगामी दिनमा यस्तै त्रुटि दोहोरिएमा थप कडा कारबाही गरिने बताउनुभयाे।

पछिल्लो समय काठमाडौं उपत्यकामा खाद्य स्वच्छता र गुणस्तरसम्बन्धी गुनासो बढ्दै गएपछि सम्बन्धित निकायले बजार अनुगमनलाई तीव्र बनाएको छ। उपभोक्ताको स्वास्थ्य र अधिकार संरक्षणका लागि होटल, रेष्टुरेन्ट, फास्टफुड तथा खाद्य सामग्री बिक्री गर्ने विभिन्न व्यवसायमा नियमित अनुगमन गरिँदै आएको जनाइएको छ।

प्रशासनले उपभोक्तालाई पनि खाद्य सामग्रीमा कुनै किसिमको समस्या वा अनियमितता देखिए तत्काल सम्बन्धित निकायमा उजुरी गर्न आग्रह गरेको छ। उपभोक्ताको स्वास्थ्यमा प्रत्यक्ष असर पार्ने लापरबाही नियन्त्रण गर्न सरकारी निकायले आगामी दिनमा पनि बजार अनुगमनलाई थप प्रभावकारी बनाउने जनाएको छ।

उपत्यकाभित्र यसअघि पनि विभिन्न खाद्य पसल र रेस्टुरेन्टहरूमा यस्तै प्रकृतिका अनुगमन तथा कारबाही भइरहेका छन्,जसको उद्देश्य उपभोक्ताको स्वास्थ्य सुरक्षा र गुणस्तरीय खाद्य सेवा सुनिश्चित गर्नु रहेको सम्बन्धित निकायहरूले जनाएका छन्।

जनरक्षा फोकस

थप सामाग्री

स्थानीय बजारमा सुनको मूल्य घट्यो, चाँदीको भाउ बढ्यो

क्रिस्टियानो रोनाल्डो अब फिल्म निर्माता, आफ्नै अभिनयमा नयाँ टिभी ड्रामा ल्याउँदै

मोहीको नाम हटाएर जग्गा बिक्री, भोलिपल्टै रु. १ करोड ३० लाख ऋण प्रवाह भएको खुलासा

समाज

थप सामाग्री

• 

  गुरु पूर्णिमा पर्व आज मनाइँदै, गुरु र वेदव्यासको स्मरणमा श्रद्धा अर्पण

• 

  सुनसरी घटनाप्रति जनरक्षाको पत्रकारहरूलाई हार्दिक अपिल : “समाचारले समाजलाई सचेत बनाओस्, विभाजित होइन”

• 

  मानव बेचबिखनको नयाँ रूपप्रति आईजीपी कार्कीको चिन्ता, साइबर स्क्यामसँग जोडियो अपराध

• 

  आज साउन १२ गते मंगलबार,यस्तो छ तपाईको राशिफल

• 

  प्रहरी सुधारका नायक दानबहादुर कार्की : भरोसा, अनुशासन र परिवर्तनको यात्रामा एक दृढ नेतृत्व

प्रहरी सुधारका नायक दानबहादुर कार्की : भरोसा, अनुशासन र परिवर्तनको यात्रामा एक नेतृत्व

२ दिन अगाडि

2.5kViews 377 Shares Share on Facebook Share on Twitter नेपाल प्रहरी केवल एउटा सुरक्षा निकाय मात्र होइन, यो राज्य र…

उत्कृष्ट मानव सेवाको उदाहरण बन्यो NAB : एकान्तकुनामा निःशुल्क पिउने पानी वितरणदेखि सेवाग्राहीलाई प्रत्यक्ष सहयोग, सर्वत्र प्रशंसा

२ दिन अगाडि

देशभर मनसुन सक्रिय : आज पनि धेरै क्षेत्रमा वर्षा, केही स्थानमा भारी पानी पर्ने चेतावनी

२ दिन अगाडि

धार्मिक तनावपछि सुनसरीमा सुरक्षा नेतृत्व फेरबदल, सीडीओदेखि डीआईजी र एसपीसम्मको जिम्मेवारी हेरफेर

२ दिन अगाडि