देवानगञ्ज घटनामा नेपाल संघीय समाजवादी पार्टीको गम्भीर चिन्ता, निष्पक्ष छानबिन आयोग गठन र दोषीमाथि कडा कारबाहीको माग

काठमाडौं । नेपाल संघीय समाजवादी पार्टीले सुनसरीको देवानगञ्ज गाउँपालिका–३, कप्तानगञ्जमा दुई समुदायबीच भएको हिंसात्मक घटनाप्रति गम्भीर ध्यानाकर्षण भएको जनाएको छ। पार्टीका केन्द्रीय अध्यक्ष तथा पूर्वगृहराज्यमन्त्री मोहम्मद रिजवान अन्सारीद्वारा जारी प्रेस विज्ञप्तिमा घटनामा ज्यान गुमाएका ओमप्रकाश मेहताप्रति श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना व्यक्त गरिएको छ।

पार्टीले घटनामा घाइते भएका नागरिक तथा सुरक्षाकर्मीहरूको शीघ्र स्वास्थ्यलाभको कामना गर्दै सरकारले मृतकका परिवारलाई सम्मानजनक क्षतिपूर्ति उपलब्ध गराउनुपर्ने र घाइतेहरूको सम्पूर्ण उपचार निःशुल्क तथा प्रभावकारी रूपमा सुनिश्चित गर्नुपर्ने माग गरेको छ।

उच्चस्तरीय छानबिन आयोग गठनको माग

नेपाल संघीय समाजवादी पार्टीले घटनाको वास्तविकता बाहिर ल्याउन उच्चस्तरीय, निष्पक्ष, स्वतन्त्र र विश्वसनीय छानबिन आयोग गठन गर्न सरकारसँग माग गरेको छ। विज्ञप्तिमा घटनामा संलग्न जोसुकै भए पनि कानुनबमोजिम कडा कारबाही गर्नुपर्नेमा जोड दिइएको छ।

पार्टीले सत्यतथ्य सार्वजनिक गरेर दोषीलाई कानुनी दायरामा ल्याउनु नै सामाजिक विश्वास कायम गर्ने आधार हुने उल्लेख गरेको छ।

धार्मिक तथा साम्प्रदायिक सद्भाव बिगार्ने गतिविधिप्रति चिन्ता

विज्ञप्तिमा देवानगञ्जको घटनालाई बहाना बनाएर कोशी प्रदेश, मधेश प्रदेशलगायतका विभिन्न क्षेत्रमा विशेष धार्मिक समुदायलाई लक्षित गर्दै भएका कुटपिट, लुटपाट, आगजनी, धार्मिक स्थलमाथिको आक्रमण तथा सम्पत्तिमा क्षति पुर्‍याउने गतिविधिप्रति गम्भीर चिन्ता व्यक्त गरिएको छ।

यस्ता आपराधिक गतिविधिमा संलग्न व्यक्तिहरूलाई तत्काल पहिचान गरी कानुनी कारबाही गर्नुपर्ने र प्रत्येक नेपाली नागरिकको जीवन, सम्पत्ति, आस्था तथा धार्मिक स्वतन्त्रताको पूर्ण सुरक्षा सुनिश्चित गर्न सरकारसँग माग गरिएको छ।

सामाजिक सद्भाव जोगाउन सबैलाई संयम अपनाउन आग्रह

नेपाल बहुधार्मिक, बहुभाषिक, बहुजातीय तथा बहुसांस्कृतिक विशेषताले सम्पन्न राष्ट्र भएको उल्लेख गर्दै पार्टीले धार्मिक तथा जातीय द्वन्द्वले राष्ट्रिय एकता र सामाजिक सद्भावलाई कमजोर बनाउने चेतावनी दिएको छ।

विज्ञप्तिमा कुनै पनि समुदायविरुद्ध घृणा फैलाउने, हिंसा भड्काउने वा सामाजिक सद्भाव बिथोल्ने प्रयास स्वीकार्य नहुने स्पष्ट पारिएको छ। धार्मिक, जातीय र सांस्कृतिक विविधता नेपालको शक्ति भएकाले त्यसलाई कमजोर बनाउने कुनै पनि गतिविधि राष्ट्रहितविपरीत हुने पार्टीको धारणा छ।

कानुनी शासन र राष्ट्रिय एकतामा जोड

पार्टीले लोकतान्त्रिक गणतन्त्र, संविधान, कानुनी शासन तथा सामाजिक सद्भावको रक्षा गर्न सबै नेपाली एकताबद्ध हुनुपर्ने आवश्यकता औंल्याएको छ। साथै घटनालाई लिएर अफवाह वा उत्तेजनामा नलाग्न, संयम, धैर्य र विवेक अपनाउन तथा राष्ट्रिय एकता र सामाजिक सद्भावलाई थप सुदृढ बनाउन सबै राजनीतिक दल, नागरिक समाज र आम नागरिकलाई अपिल गरेको छ।

नेपाल संघीय समाजवादी पार्टीले सरकारलाई घटनाको निष्पक्ष अनुसन्धान गरी सत्यतथ्य सार्वजनिक गर्न, दोषीलाई कानुनी कारबाहीको दायरामा ल्याउन र पीडितलाई न्याय दिलाउन तत्काल प्रभावकारी कदम चाल्न आग्रह गरेको छ।

जनरक्षा फोकस

थप सामाग्री

स्थानीय बजारमा सुनको मूल्य घट्यो, चाँदीको भाउ बढ्यो

क्रिस्टियानो रोनाल्डो अब फिल्म निर्माता, आफ्नै अभिनयमा नयाँ टिभी ड्रामा ल्याउँदै

मोहीको नाम हटाएर जग्गा बिक्री, भोलिपल्टै रु. १ करोड ३० लाख ऋण प्रवाह भएको खुलासा

समाज

थप सामाग्री

• 

  गुरु पूर्णिमा पर्व आज मनाइँदै, गुरु र वेदव्यासको स्मरणमा श्रद्धा अर्पण

• 

  सुनसरी घटनाप्रति जनरक्षाको पत्रकारहरूलाई हार्दिक अपिल : “समाचारले समाजलाई सचेत बनाओस्, विभाजित होइन”

• 

  मानव बेचबिखनको नयाँ रूपप्रति आईजीपी कार्कीको चिन्ता, साइबर स्क्यामसँग जोडियो अपराध

• 

  आज साउन १२ गते मंगलबार,यस्तो छ तपाईको राशिफल

• 

  प्रहरी सुधारका नायक दानबहादुर कार्की : भरोसा, अनुशासन र परिवर्तनको यात्रामा एक दृढ नेतृत्व

प्रहरी सुधारका नायक दानबहादुर कार्की : भरोसा, अनुशासन र परिवर्तनको यात्रामा एक नेतृत्व

१ दिन अगाडि

2.5kViews 377 Shares Share on Facebook Share on Twitter नेपाल प्रहरी केवल एउटा सुरक्षा निकाय मात्र होइन, यो राज्य र…

उत्कृष्ट मानव सेवाको उदाहरण बन्यो NAB : एकान्तकुनामा निःशुल्क पिउने पानी वितरणदेखि सेवाग्राहीलाई प्रत्यक्ष सहयोग, सर्वत्र प्रशंसा

१ दिन अगाडि

देशभर मनसुन सक्रिय : आज पनि धेरै क्षेत्रमा वर्षा, केही स्थानमा भारी पानी पर्ने चेतावनी

१ दिन अगाडि

धार्मिक तनावपछि सुनसरीमा सुरक्षा नेतृत्व फेरबदल, सीडीओदेखि डीआईजी र एसपीसम्मको जिम्मेवारी हेरफेर

१ दिन अगाडि