सुस्तामा नारायणीको बाढी: १६५ घर डुबानमा, सयौँ परिवार उच्च जोखिममा

बुटवल । पश्चिम नवलपरासीको सुस्ता गाउँपालिका–५ मा नारायणी नदीको बाढी पस्दा १६५ घरपरिवार प्रभावित भएका छन्। नदीमा पानीको बहाव निरन्तर बढिरहेका कारण सुस्ताका अन्य बस्तीसमेत उच्च जोखिममा परेका छन्।

शुक्रबारदेखि थारु टोलमा पस्न थालेको बाढीका कारण ७८ घरपरिवारलाई सुस्तामै निर्माण गरिएको होल्डिङ सेन्टरमा स्थानान्तरण गरिएको थियो। शुक्रबार राति सैनिक टोल र बड्का टोलमा समेत बाढी पसेपछि थप ८५ घरपरिवारलाई सुरक्षित स्थानमा सारिएको सुस्तास्थित सशस्त्र प्रहरी बेस क्याम्पका प्रहरी उपरीक्षक गोविन्दबहादुर खातीले जानकारी दिए।

उनका अनुसार नारायणी नदीमा पानीको बहाव अझै बढ्ने क्रममा रहेकाले जोखिममा रहेका परिवारलाई नदीवारि सुरक्षित स्थानमा सार्ने तयारी गरिएको छ। कच्ची घरमा बाढी पसेपछि प्रभावित स्थानीयको जनजीवन कष्टकर बनेको छ।

शनिबार बिहान ७ बजे गरिएको मापनअनुसार गण्डक ब्यारेजमा नारायणी नदीको बहाव प्रतिसेकेन्ड २ लाख ६७ हजार क्युसेक पुगेको छ। नदीको धार परिवर्तन भएर सुस्ता गाउँतर्फ सोझिएपछि करिब १ लाख क्युसेक पानीको बहाव पुग्नेबित्तिकै सुस्तामा बाढी पस्ने गरेको वडा सदस्य आदम खानले बताए।

नदीको सतह निरन्तर बढिरहेका कारण सुस्ताका सबै बस्ती जोखिममा रहेको खानको भनाइ छ। उनका अनुसार निर्माणाधीन तटबन्धको काम भारतीय पक्षले रोकेपछि करिब १३२ मिटर क्षेत्र अझै निर्माण हुन बाँकी छ। सोही क्षेत्रबाट नदीले कटान गर्दै बस्ती नजिक पुगेको स्थानीय बाबु खानले बताए।

बाढीका कारण सुस्ताको बस्तीमा मात्रै नभई उखु खेतीमा समेत क्षति पुगेको स्थानीयले बताएका छन्।

प्रमुख जिल्ला अधिकारी दीपकराज नेपालले जोखिममा परेका परिवारलाई आवश्यक परे तत्काल उद्धार गर्न सुरक्षाकर्मीको टोली तयारी अवस्थामा राखिएको जानकारी दिए। उनले नदीको बहाव र बाढीको अवस्थालाई निरन्तर निगरानी गरिरहेको बताए।

जनरक्षा फोकस

थप सामाग्री

युवा : उमेर होइन, सम्भावनाको नाम हो

सलामीको पीडा र सत्ताको परीक्षा

जापानमा चितवनका नेपाली दम्पती सुवास र रोशनको करोडौँको ठ गी धन्दा

समाज

थप सामाग्री

• 

  आज असोज १० गते शनिबार, यस्तो छ तपाईंको राशिफल

• 

  कोजाग्रत पूर्णिमादेखि मेची महाकाली श्रीमुक्तिनाथ रथयात्रा हुँदै

• 

  प्रहरीमा इन्स्पेक्टरदेखि डीआईजीसम्म सरुवा तयारी पूरा, निर्णयमा भने अन्योल

• 

  रोशी खोलामा सतर्कता तह पार, बीपी राजमार्गअन्तर्गत गिम्दीमा पहिरोले सडक अवरुद्ध

• 

  लगातार वर्षापछि कान्ति लोकपथका तीन स्थानमा पहिरो, यातायात सेवा प्रभावित

विश्वको छानोबाट उठेको नेपालको आवाज

१ दिन अगाडि

2.1kViews 15 Shares Share on Facebook Share on Twitter संयुक्त राष्ट्रसंघको महासभामा नेपालको प्रधानमन्त्रीका रूपमा बालेन्द्र शाहले दिएको सम्बोधन केवल…

आज देशभर भारी वर्षाको सम्भावना, लुम्बिनी र गण्डकीमा अति भारी वर्षाको चेतावनी

१ दिन अगाडि

कृष्णभीरमा पहिरो खसेपछि मुग्लिन–काठमाडौं सडक ठप्प, जोखिम मोलेर यात्रा नगर्न आग्रह

१ दिन अगाडि

आज पाँच प्रदेशमा भारीदेखि अति भारी वर्षाको सम्भावना, सतर्क रहन आग्रह

१ दिन अगाडि