सुरक्षाको नाममा चोलेन्द्र जबरामाथि प्रहरीको ‘गोप्य’ व्यवहार, मानव अधिकार आयोगलाई समेत भेट्न दिइएन

काठमाडौं, ११ असोज । पूर्वप्रधानन्यायाधीश चोलेन्द्रशमशेर जबरालाई प्रहरीले ‘सुरक्षित स्थान’मा पठाएको जनाएको छ । काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्काले जबरालाई कार्यालयबाट सुरक्षित स्थानमा पठाइएको बताए पनि त्यो स्थान कहाँ हो भन्ने खुलाउन अस्वीकार गरेका छन् ।
‘उहाँलाई सुरक्षित स्थानमा, उहाँले भनेकै स्थानमा यहाँबाट पठाइएको छ,’ एसएसपी खड्काले भने । सुरक्षाको संवेदनशीलताका कारण स्थान खुलाउन नमिल्ने उनको भनाइ छ ।
तर, प्रहरीले जबरालाई कहाँ र कुन अवस्थामा राखेको थियो भन्ने विषयमा स्पष्ट जानकारी सार्वजनिक नगर्दा घटनाले थप प्रश्न जन्माएको छ । सुरक्षा चुनौतीको कारण देखाउँदै पूर्वप्रधानन्यायाधीशलाई रातारात निवासबाट नियन्त्रणमा लिएर कार्यालयमा ल्याइएको प्रहरीको दाबी छ । तर त्यसपछि उनको अवस्थाबारे समेत स्पष्ट जानकारी नदिइनु र भेटघाटमा रोक लगाइनुले प्रहरीको भूमिकामाथि प्रश्न उठेको छ ।
गएराति काठमाडौं उपत्यका अपराध अनुसन्धान कार्यालयको टोली महाराजगञ्जस्थित जबराको निवासमा पुगेको थियो । त्यस क्रममा उनलाई नियन्त्रणमा लिएर कार्यालयमा ल्याइएको प्रहरीले जनाएको छ । प्रहरीले जबरालाई ‘सुरक्षा थ्रेट’ रहेको सूचना पाएपछि सुरक्षाका लागि कार्यालयमा ल्याउनुपरेको जिकिर गर्दै आएको छ ।
घटनाको अवस्था बुझ्न तथा जबरासँग भेट गर्न राष्ट्रिय मानव अधिकार आयोगको टोलीसमेत अपराध अनुसन्धान कार्यालय पुगेको थियो । तर आयोगको टोलीलाई समेत जबरासँग भेट गर्न दिइएन । कार्यालयको गेटमा करिब ४५ मिनेटसम्म कुर्दा पनि भेटको अनुमति नपाएपछि आयोगको टोली त्यत्तिकै फर्किएको थियो ।
सुरक्षा संवेदनशीलताको नाममा राज्यको एउटा संवैधानिक निकायका प्रतिनिधिलाई समेत नियन्त्रणमा रहेका व्यक्तिसँग भेट गर्न नदिनु आफैंमा गम्भीर विषय बनेको छ । प्रहरीले सुरक्षा जोखिम देखाएको भए पनि त्यसको प्रकृति, आधार र जबरालाई कार्यालयमा राख्नुपर्ने वास्तविक कारणबारे पर्याप्त जानकारी सार्वजनिक गरिएको छैन ।
घटनापछि कानुनका जानकारहरूले पनि प्रहरीको कार्यशैलीमाथि प्रश्न उठाएका छन् । कुनै व्यक्तिलाई नियन्त्रणमा लिँदा कानुनी प्रक्रिया, मानव अधिकार र पारदर्शिताको न्यूनतम मापदण्ड पालना गर्नुपर्ने उनीहरूको तर्क छ ।
पूर्वप्रधानन्यायाधीशजस्तो उच्च संवैधानिक जिम्मेवारी सम्हालिसकेका व्यक्तिलाई रातको समयमा निवासबाट नियन्त्रणमा लिने, त्यसपछि सुरक्षा कारण देखाउँदै गोप्य स्थानमा राख्ने र मानव अधिकार आयोगको टोलीलाई समेत भेट्न नदिने घटनाले प्रहरीको दाबीभन्दा बाहिरका प्रश्नलाई जन्म दिएको छ ।
प्रहरीले भने जबरालाई कुनै गैरकानुनी ढंगले नियन्त्रणमा नलिइएको र सुरक्षा जोखिमका कारण आवश्यक कदम चालिएको दाबी गर्दै आएको छ । तर ‘सुरक्षित स्थान’ भन्दै स्थानसमेत गोप्य राखिएको अवस्थाले घटनाबारे थप पारदर्शिता आवश्यक देखिएको छ ।
अब मुख्य प्रश्न यही हो जबरालाई कुन कानुनी आधारमा नियन्त्रणमा लिइयो ? उनलाई कहाँ राखिय? सुरक्षा खतरा के थियो ? र राष्ट्रिय मानव अधिकार आयोगको टोलीलाई समेत भेट्न किन रोकियो ? यी प्रश्नको स्पष्ट जवाफ नआएसम्म ‘सुरक्षा’को नाममा भएको प्रहरीको यो कारबाहीमाथिको बहस रोकिने देखिँदैन ।

जनरक्षा फोकस

थप सामाग्री

युवा : उमेर होइन, सम्भावनाको नाम हो

सलामीको पीडा र सत्ताको परीक्षा

जापानमा चितवनका नेपाली दम्पती सुवास र रोशनको करोडौँको ठ गी धन्दा

समाज

थप सामाग्री

• 

  नारायणीको बाढी सुस्तामा पसेपछि ८ सयभन्दा बढी नागरिक सुरक्षित स्थानमा सारिए

• 

  मनाङको चामेमा पहिरोले मर्स्याङ्दी नदी थुनियो, तटीय क्षेत्रमा सतर्कता

• 

  निरन्तर वर्षाले गोकर्णेश्वरमा सोह्र श्राद्ध प्रभावित, पहिलो दिन ६६ जनाले मात्रै रसिद काटे

• 

  “मिटरब्याजको पुरानो साम्राज्यमाथि सरकारको नजर, वीरेन्द्रलाल श्रेष्ठ अनुसन्धानको घेरामा”

• 

  सुरक्षाको नाममा चोलेन्द्र जबरामाथि प्रहरीको ‘गोप्य’ व्यवहार, मानव अधिकार आयोगलाई समेत भेट्न दिइएन

सुरक्षा दिन गएको प्रहरी कि पक्राउ गर्न ? अब जवाफ अपराध अनुसन्धान कार्यालयले दिनैपर्छ

१३ घण्टा अगाडि

1.8kViews 15 Shares Share on Facebook Share on Twitter काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्काले पूर्वप्रधानन्यायाधीश चोलेन्द्रशमशेर…

बाढी–पहिरोले चामेमा ठूलो क्षति, पाँच घर बगे; पर्यटकसहित स्थानीय अलपत्र

१३ घण्टा अगाडि

सेती नदीमा पानीको बहाव बढेपछि रामघाटका बासिन्दालाई बस्ती खाली गर्न आग्रह

१५ घण्टा अगाडि

मर्स्याङ्दीको बाढीले तालगाउँ फेरि डुबानमा, स्थानीय सम्पर्कविहीन

१७ घण्टा अगाडि