उत्कृष्ट साइबर अपराध अनुसन्धानकर्ताका रूपमा इन्सपेक्टर सुन्दर चौलागाईं सम्मानित

काठमाडौं । नेपाल प्रहरीको ७१औँ प्रहरी दिवस–२०८३ को अवसरमा प्रहरी निरीक्षक सुन्दर चौलागाईं उत्कृष्ट साइबर अपराध अनुसन्धानकर्ताका रूपमा सम्मानित हुनुभएको छ।

साइबर अपराध अनुसन्धानमा उत्कृष्ट योगदान पुर्‍याउँदै व्यावसायिक दक्षता, अनुसन्धान क्षमता र जिम्मेवारीपूर्ण कार्यसम्पादन प्रदर्शन गर्नुभएका चौलागाईंलाई नेपाल प्रहरीका महानिरीक्षक दानबहादुर कार्कीले सम्मान गर्नुभएको हो।

साइबर अपराधका घटना बढ्दै गएको वर्तमान अवस्थामा यस्ता अपराधको अनुसन्धान, डिजिटल प्रमाणको विश्लेषण तथा दोषी पहिचानमा प्रहरीको दक्षता र सक्रियता महत्त्वपूर्ण मानिन्छ। साइबर अपराध अनुसन्धानमा चौलागाईंले पुर्‍याउनुभएको योगदानको कदरस्वरूप प्रदान गरिएको सम्मानले उहाँको व्यावसायिक निष्ठा र कार्यक्षमताको प्रशंसा गरेको छ।

७१औँ प्रहरी दिवसका अवसरमा प्रदान गरिएको यस सम्मानले प्रहरी कर्मचारीलाई जिम्मेवारीप्रति थप प्रतिबद्ध भई उत्कृष्ट कार्यसम्पादन गर्न प्रेरणा मिल्ने विश्वास गरिएको छ।

Facebook Comments Box