बालेन–स्वर्णिम दूरी बढ्दै ? निजी क्षेत्रसँग प्रधानमन्त्रीको निरन्तर संवाद, अर्थमन्त्री बैठकबाट बाहिर

काठमाडौं । प्रधानमन्त्री बालेन्द्र शाह ‘बालेन’ले पछिल्लो समय निजी क्षेत्रका प्रतिनिधिहरूसँग सक्रिय छलफल बढाएका छन् । तर, यस्ता अधिकांश छलफलमा अर्थमन्त्री डा. स्वर्णिम वाग्ले सहभागी नभएपछि सरकारभित्रको समन्वय र सम्बन्धबारे प्रश्न उठ्न थालेको छ ।

प्रधानमन्त्री शाहले नेपाल उद्योग वाणिज्य महासंघ, बैंकिङ क्षेत्र, पुँजीबजारका सरोकारवाला तथा विभिन्न निजी क्षेत्रका प्रतिनिधिसँग छुट्टाछुट्टै भेटवार्ता गरिरहेका छन् । तर, निजी क्षेत्रका प्रतिनिधिहरूले प्रधानमन्त्रीसँगको छलफलमा अर्थमन्त्रीको खोजी गरे पनि उनी कुनै पनि बैठकमा उपस्थित नभएको बताइएको छ ।

सोमबार प्रधानमन्त्री शाहले धितोपत्र बोर्ड, नेपाल स्टक एक्सचेन्ज, ब्रोकर, संस्थागत लगानीकर्ता तथा व्यक्तिगत लगानीकर्ताका प्रतिनिधिसँग पुँजीबजारको अवस्थाबारे छलफल गरेका थिए । उक्त छलफलमा पनि अर्थमन्त्री डा. वाग्ले सहभागी थिएनन् ।

छलफलका क्रममा प्रधानमन्त्रीले लगानीकर्ताको मनोबल कमजोर हुनुको कारणबारे जानकारी लिएका थिए । करिब एक घण्टा चलेको बैठकमा प्रधानमन्त्रीले बाहिरी हल्लाको आधारमा लगानीसम्बन्धी निर्णय नगर्न र बजारप्रति सकारात्मक बन्न आग्रह गरेको सहभागीहरूले बताएका छन् ।

प्रधानमन्त्री शाहले सरकार निजी क्षेत्रप्रति नकारात्मक नरहेको भन्दै पुँजीबजारको विकास र विस्तारका लागि सरकार सचेत रहेको धारणा राखेको बताइएको छ । पुँजीबजारले रोजगारी सिर्जना र राजस्व वृद्धिमा योगदान दिनुपर्नेमा पनि प्रधानमन्त्रीले जोड दिएको सहभागीहरूको भनाइ छ ।

प्रधानमन्त्री बनेपछि निरन्तर ओरालो लागेको सेयर बजार पछिल्लो समय नेप्से परिसूचक २५ सयको आसपास पुगेको थियो । प्रधानमन्त्रीसँगको छलफलपछि बजारमा सकारात्मक प्रभाव देखिएको छ भने सोमबार नेप्से परिसूचक ४१ अंकले बढेको छ ।

बैठकमा लगानीकर्ताको मनोबल बढाउने, बजारमा माग र आपूर्तिबीच सन्तुलन कायम गर्ने, करसम्बन्धी अस्पष्टता हटाउने, घाटा समायोजनपछि मात्र कर लिने व्यवस्था मिलाउने तथा ब्रोकरमार्फत मार्जिन लेन्डिङ सञ्चालनका लागि आवश्यक नियम बनाउन सुझाव दिइएको थियो ।

तर, प्रधानमन्त्रीले निजी क्षेत्रका प्रतिनिधि, बैंकका प्रमुख कार्यकारी अधिकृत र पुँजीबजारका सरोकारवालासँग छलफल गर्दा अर्थमन्त्रीलाई सहभागी नगराएपछि राजनीतिक वृत्तमा यसलाई अर्थपूर्ण रूपमा हेरिएको छ ।

विशेषगरी रास्वपाभित्र सभापतिपछि दोस्रो वरीयतामा रहेका डा. वाग्लेलाई प्रधानमन्त्री शाहले अर्थसम्बन्धी विषयमा किन प्रत्यक्ष सहभागी गराइरहेका छैनन् भन्ने प्रश्न उठेको छ । यसलाई कतिपयले प्रधानमन्त्री र अर्थमन्त्रीबीचको विश्वासको दूरीका रूपमा व्याख्या गरेका छन् ।

स्रोतका अनुसार प्रधानमन्त्री शाहले अर्थमन्त्रीले ल्याएको बजेटका केही विषयमा असन्तुष्टि जनाएका छन् । सरकारी उद्योग सञ्चालन, कर नीति तथा केही निर्णयले सरकारको लोकप्रियतामा असर परेको प्रधानमन्त्री निकट पक्षको बुझाइ रहेको बताइएको छ ।

यसैबीच, प्रधानमन्त्रीको व्यवहारबाट असन्तुष्ट बनेका अर्थमन्त्री डा. वाग्लेले प्रत्यक्ष रूपमा विरोध नगरे पनि पार्टी सभापति रवि लामिछानेसँग आफ्ना धारणा राखिरहेको स्रोतको दाबी छ ।

डा. वाग्ले र सभापति लामिछानेबीच पछिल्लो समय भएको भेटवार्तालाई पनि राजनीतिक वृत्तमा चासोका साथ हेरिएको छ । यद्यपि प्रधानमन्त्री, अर्थमन्त्री र रास्वपाले यस विषयमा औपचारिक प्रतिक्रिया दिएका छैनन् ।

प्रधानमन्त्री शाह र अर्थमन्त्री वाग्लेबीच देखिएको दूरीले सरकारको आर्थिक नीति र पार्टीभित्रको शक्ति सन्तुलनबारे नयाँ बहस सुरु भएको छ ।

जनरक्षा फोकस

थप सामाग्री

वैदेशिक रोजगार ठगीको उजुरी अब घरबाटै अनलाइनमार्फत दर्ता गर्न सकिने

नेपालमा ‘सेल ब्रोडकास्ट’ प्रणाली लागू गर्ने तयारी, विपद्को सूचना अब मोबाइलमै साइरनसहित आउने

बाल सुधार गृहको अवस्था चिन्ताजनक, सुरक्षा जोखिम बढ्दो

समाज

थप सामाग्री

• 

  नेपालमा ‘सेल ब्रोडकास्ट’ प्रणाली लागू गर्ने तयारी, विपद्को सूचना अब मोबाइलमै साइरनसहित आउने

• 

  माकलबारीमा युवतीद्वारा आत्मदाह प्रयास, अवस्था गम्भीर

• 

  आज साउन ०४ गते सोमबार, यस्तो छ तपाईको राशिफल

• 

  रुकुम पूर्व केन्द्रबिन्दु भएर ५ म्याग्निच्युडको भूकम्प, वरपरका जिल्लामा धक्का महसुस

• 

  सत्ता, सामाजिक सञ्जाल र मिडिया नियन्त्रणको मोह : इतिहास दोहोर्‍याउने असफल प्रयास

बाढी–पहिरोको जोखिम बढेपछि सरकारको कडा निर्णय, जोखिम मूल्याङ्कनपछि मात्रै सवारी सञ्चालन

२ दिन अगाडि

2.7kViews 424 Shares Share on Facebook Share on Twitter काठमाडौं । देशभर मनसुन सक्रिय भएसँगै बाढी, पहिरो र डुबानको जोखिम…

भारी वर्षाको चेतावनी : २१ जिल्लामा बाढीको मध्यम जोखिम, कोसी ब्यारेजका ढोका खोल्ने तयारी

२ दिन अगाडि

देशभर मनसुनी प्रभाव कायम : आज र राति भारीदेखि अति भारी वर्षाको सम्भावना, बाढी–पहिरोको उच्च जोखिम

२ दिन अगाडि

गृहमन्त्रीको फिल्ड अपरेशन : सक्रियता कि जिम्मेवारीको सीमामाथिको हस्तक्षेप ?

३ दिन अगाडि