प्रधानमन्त्री बालेन: हस्तकला क्षेत्रको विकास, विस्तार र संरक्षणमा सरकार प्रतिबद्ध

काठमाडौं । प्रधानमन्त्री वालेन्द्र शाहले नेपालको हस्तकला व्यवसायको विकास, विस्तार र संरक्षणका लागि सरकार पूर्ण रूपमा प्रतिबद्ध रहेको बताउनुभएको छ।

प्रधानमन्त्री तथा मन्त्रिपरिषद्को कार्यालयमा आज नेपाल हस्तकला व्यवसायी महासंघका प्रतिनिधिहरूसँग भएको छलफलमा उहाँले हस्तकला क्षेत्रलाई प्राथमिकता दिने नीति निर्माण, रोजगारी सिर्जना, परम्परागत सीपको पुस्तान्तरण तथा कला संरक्षणमा सरकार दृढ रहेको बताउनुभयो।

छलफलका क्रममा प्रधानमन्त्री शाहले सार्वजनिक–निजी साझेदारी (PPP) मोडलमा हस्तकला विकास बोर्ड गठन, हस्तकला दिवसलाई राष्ट्रिय स्तरमा मनाउने, हस्तकला सामग्री निर्यातमा बिजक मूल्यांकन अनिवार्य गर्ने, काठमाडौं उपत्यकामा हस्तकला ग्राम स्थापना तथा सातै प्रदेशमा सीप प्रशिक्षण केन्द्र सञ्चालन गर्ने विषयमा महासंघका मागप्रति सकारात्मक प्रतिक्रिया दिनुभएको छ। सरकारले हस्तकला क्षेत्रको प्रवर्द्धन र अन्तर्राष्ट्रिय बजार विस्तारका लागि आवश्यक नीतिगत सहजीकरण गर्ने प्रतिबद्धता पनि व्यक्त गरेको जनाएको छ।

Facebook Comments Box