नक्कली पेस्तोल देखाएर प्रहरीको घुमुवा भन्दै रकम असुल्न खोज्ने व्यक्ति पक्राउ

काठमाडौं । प्रहरीको घुमुवा हुँ भन्दै नक्कली पेस्तोल देखाएर रकम असुल्न खोज्ने एक जनालाई रुपन्देही प्रहरीले पक्राउ गरेको छ।

जिल्ला प्रहरी कार्यालय रुपन्देहीको टोलीले सिद्धार्थनगर नगरपालिका–१३ का ४९ वर्षीय राकेश प्रताप राणालाई पक्राउ गरेको हो।

प्रहरीका अनुसार राणा रुपन्देहीको ओमसतिया गाउँपालिका–४ बालापुरमा कोठा भाडामा लिएर बस्दै आएका थिए। उनले नक्कली पेस्तोल देखाउँदै आफू प्रहरीको घुमुवा भएको बताई भैरहवा क्षेत्रमा स्थानीयसँग रकम माग गर्दै आएका थिए।

रुपन्देही प्रहरीका सूचना अधिकारी प्रहरी नायव उपरीक्षक कृष्ण कुमार चन्दका अनुसार राणालाई सिद्धार्थनगर नगरपालिका–१३ शान्तिनगरमा एक स्थानीयसँग १० हजार रुपैयाँ मागिरहेको अवस्थामा पक्राउ गरिएको हो।

पक्राउपछि प्रहरीले राणाको कोठामा खानतलासी गर्दा नक्कली पेस्तोल र करिब ५ सय ग्राम गाँजा समेत बरामद गरेको जनाएको छ।

पक्राउ परेका राणालाई जिल्ला प्रहरी कार्यालय रुपन्देहीको हिरासतमा राखी थप अनुसन्धान भइरहेको प्रहरी नायव उपरीक्षक चन्दले जानकारी दिनुभयो।

Facebook Comments Box