आज काग तिहार मनाइँदै, यमदूतका रूपमा मानिने कागलाई मीठा परिकार चढाएर पूजा गरिँदै

काठमाडौं ।नेपालीको दोस्रो ठूलो चाड तिहारअन्तर्गत आज शनिबार काग तिहार मनाइँदै छ । कात्तिक कृष्ण त्रयोदशीका दिन मनाइने काग तिहारमा बिहानै कागलाई यमराजको दूतका रूपमा पूजा आराधना गरी मीठा मीठा खानेकुरा खान दिने परम्परा छ ।

सूर्योदयकालमा त्रयोदशी तिथि परेका दिन काग तिहार मनाउनुपर्ने शास्त्रीय मान्यताअनुसार यस वर्ष शनिबार यो पर्व मनाउने निर्णय गरिएको नेपाल पञ्चाङ्ग निर्णायक विकास समितिका अध्यक्ष डा. पुरुषोत्तम भट्टराईले जानकारी दिए ।

धार्मिक मान्यताअनुसार यमराजले लोकको खबर कागका माध्यमबाट थाहा पाउने भएकाले कागलाई यमदूतका रूपमा मान्ने गरिएको हो । कागले यमराजसमक्ष शुभ समाचार पुर्‍याओस् भन्ने कामनासहित आजका दिन कागलाई पूजा गरी मीठा परिकार खान दिने चलन छ ।

लोक व्यवहारमा पनि काग घरमा आएर कराएमा ‘शुभ बोल, शुभ बोल’ भन्ने प्रचलन छ । काग घरआँगन वा वरपर आएर कराएमा उसले कुनै खबर लिएर आएको विश्वास गरिन्छ ।

काग तिहारका अवसरमा काठमाडौंको कागेश्वरी मनोहरा नगरपालिका–१ स्थित कागेश्वरी महादेव मन्दिरमा विशेष पूजा आराधना गरिन्छ । यसैगरी हनुमानढोकास्थित कागेश्वरी मन्दिरमा पनि कागको विशेष पूजा गर्ने परम्परा छ ।

तिहार पर्व दुष्कर्म गर्नेलाई यमराजले दण्ड दिने र सत्कर्म गर्नेलाई धर्मराजका रूपमा रक्षा गर्ने धार्मिक विश्वाससँग पनि जोडिएको छ । यमराजको यातनाबाट मुक्ति मिलोस् भन्ने कामनासहित परिवारका सबै सदस्यका नाममा यमदीपदान गर्ने क्रम भने शुक्रबार साँझदेखि नै सुरु भएको छ ।

वैदिक सनातन शास्त्रीय विधिअनुसार यमदीप दक्षिण फर्काएर दान गर्नुपर्ने मान्यता छ । यमदीपदान गरेमा यमयातनाबाट मुक्ति पाइने धार्मिक विश्वास रहिआएको छ ।

यस वर्ष तिथिको घटबढका कारण सायंकालमा कात्तिक कृष्ण त्रयोदशी परेकै दिन शुक्रबार साँझदेखि यमपञ्चक सुरु भएको हो । यसैगरी धनधान्य र लक्ष्मीको स्थिरताका लागि गरगहना तथा तामाका भाँडाकुँडा किन्ने धनतेरस पर्व पनि शुक्रबार नै मनाइएको थियो । धनतेरसका दिन सुनचाँदीका गरगहना तथा तामाका भाँडाकुँडा खरिद गरे घरमा लक्ष्मी स्थिर भएर बस्ने धार्मिक विश्वास छ ।

जनरक्षा फोकस

थप सामाग्री

पत्रकारको निष्पक्ष, तथ्यपूर्ण र साहसिक रिपोर्टिङको अपेक्षा गर्छौँ : आईजीपी कार्की

गम्भीर आरोपको घेरामा खगेन्द्र सुनार :बालेन सरकारको सुशासनको नारा टाँइटाँइ फिस ,छानबिन र कारबाहीमाथि प्रश्न

प्रहरीमाथि आक्रमण, हतियार लुटपाट र अस्पताल तोडफोडदेखि अवैध असुलीसम्मका आरोप; गुण्डा नाइकेसँगको सम्बन्ध र राजदूत बन्ने लबिङले विवादमा खगेन्द्र सुनार!

समाज

थप सामाग्री

• 

  आज कार्तिक २१ गते शनिबार, यस्तो छ तपाईंको राशिफल

• 

  समाचारकक्षमा प्रहरी धरकपडको छानबिन गर्न पत्रकार महासंघको माग, छठपछि चरणबद्ध आन्दोलन गर्ने चेतावनी

• 

  सुरक्षित राजधानी, सुदृढ प्रहरी र नागरिकको भरोसा

• 

  सिंहदरबारभित्रै जेब्रा क्रसिङमा सांसद गैरेलाई गाडीको ठक्कर, ट्रमा सेन्टरमा उपचार

• 

  आज धनतेरस मनाइँदै, तिहार पर्व सुरु

सत्ताको स्वार्थमा प्रहरी प्रमुखमाथि प्रहार : प्रहरी संगठनलाई राजनीतिक खेलमैदान बनाउने दुस्साहस !

१ दिन अगाडि

2.2kViews 15 Shares Share on Facebook Share on Twitter नेपाल प्रहरीका महानिरीक्षक (आईजीपी) दानबहादुर कार्कीलाई कार्यकाल बाँकी रहँदै जिम्मेवारीबाट हटाउने…

प्रधानमन्त्री बालेन शाह र भारतीय विदेश सचिव मिश्रीबीच शिष्टाचार भेटवार्ता

२ दिन अगाडि

३० वर्षअघिको घटना सम्झायो प्रहरी नेतृत्व परिवर्तनले

२ दिन अगाडि

आज कार्तिक १९ गते बिहीबार, यस्तो छ तपाईंको राशिफल

२ दिन अगाडि